МакГрегор Нурмагомедовпен Ресейде жекпе-жек өткізуге ниетті

©tofight.ru

UFC президенті Дана Уайт Конор МакГрегор (21-3) америкалық кіші Флойд Мейвезермен бокс ережесі бойынша өтетін кездесуден кейін аралас жекпе-жектегі карьерасын жалғастырып, Хабиб Нурмагомедовпен (24-0) Ресей жерінде кездесуге ниетті екенін айтты.

"Конордың маған не айтқанын білесіздер ме? Ол: "Мен Хабибпен Ресей жерінде кездескім келеді", - деді. Бұл керемет жаңалық емес пе? Ол Ресей жерінде Хабибпен кездесу туралы сұрап жатыр. Конор мықты спортшы. Тіпті аралас жекпе-жек ол бір өзі өнер көрсетіп жүргендей. Ол қазір Флойд Мейвезерге қарсы кездесуге дайындалып, содан кейін Ресей жерінде Хабибпен кездескісі келетінін айтып жүр", - деп келтіреді Дана Уайттың сөзін allboxing.ru.

Еске салайық, Хабиб Нурмогомедов 2 наурыз күні салмақ қуы кезінде емханаға түскен еді. Сондықтан да оның америкалық Тони Фергюсонға қарсы жекпе-жегі өтпей қалды. Кейіннен ол Германия жерінде ем қабылдады. Оның менеджері Али Адибель-Азиздің айтуынша, Нурмагомедов октоганга күзде оралады.

Ал Мейвезер-МакГрегор арасындағы кездесу 26 тамыз күні Лас-Вегасқа орта салмақта бокс ережесі бойынша өтеді.Бұл кездесудің ең арзан деген билеттері 2 200 доллар, ең қымбат билеттері - 70 879 доллар тұрады.

Әлеуметтік желілерде бөлісу