Белграда өткен әлем чемпионатының күміс жүлдегері Серік Теміржанов неге алтын алмағанына қуанатынын және Дикий Арман лақап атты Арман Жұмагелдиевтің қолдауы қалай демеу болғанын айтты.
57 келі салмақтағы финалда қазақ боксшы америкалық Джамал Харвиге төрешілер шешімімен есе жіберді.
"Мақсатым алтын жүлде болды. Бірақ күміске де ризамын. Жұмыс істеп ары қарай жылжуға себеп болады. Алтын алу үшін күш саламын.
Төрешілерге қатысты - иә, кей спортшыларымызға, әділетсіз болғандай көрінді, ал жалпылай жақсы жұмыс атқарды. Олимпиада комитеті мен бокс федерациясы жақсы қолдау білдірді. Сосын, Арман да бізді қолдады", - деп береді Теміржановтың сөзін "Экспресс К".