Бүгін, 5 мамырда Өзбекстан астанасында өтіп жатқан бокстан әлем біріншілігінде үш қазақстандық боксшы рингке шығады, деп хабарлайды Vesti.kz.
14:00-де басталатын күндізгі сессияда 57 келіде өнер көрсететін Серік Теміржанов жекпе-жекке шығады. Оның 1/16 финал кезеңіндегі қарсыласы Мали елінің өкілі Абдул-Карим Батили. Бұл А рингіндегі алғашқы айқас болады.
19:00-де басталатын кешкі сессияда ағайынды Нұрбек (80 келі) және Айбек Оралбай (92 келіге дейін) рингке шығады.
Нұрбек әзірбайжандық Мурад Аллахвердиевпен қолғап түйістіреді. Бұл B рингіндегі бесінші жекпе-жек болады.
Ал Айбек италиялық Азиз Аббес Мухийдинмен жұдырықтасады. Боксшылар А рингіне тоғызыншы жұпта шығады.