Америкалық журналист Джек Маккаферри Vesti.kz тілшісіне берген сұхбатында қазақстандық боксшылардың басты проблемасын атады.
"Қазақстандық боксшылардың басты проблемасы маңызды жекпе-жектерде олар түсініксіз әрекеттер жасай бастайды. Ербосынұлы маңызды кездесуде жоспарсыз жұдырықтасты, Кособуцкий әдеттегідей емес, оғаш әрекет етті. Мұндай мысалдар көп. Жүкембаев Сабриельден жеңілгенде өз стилінде айқаспады. Мұның бәрі өте бір қызық. Қазақстандық боксшылардың басты проблемасы қобалжу сияқты. Олар эмоцияларын баса алмайды. Осы ретте Әлімханұлы қалыптасып қалған боксшы болып көрінеді. Ол жекпе-жекке жоспарын Головкин сияқты сенімді орындайды", - дейді Маккаферри.