Промоутер Головкиннің келесі жекпе-жегіне қатысты ақпаратты аңдамай айтып қойды

Matchroom Boxing промоутерлік компаниясының басшысы Эдди Хирн орта салмақта IBF және IBO чемпионы қазақстандық Геннадий Головкин (40-1-1, 35 КО) келесі жекпе-жегін міндетті қарсылас польшалық Камил Шереметамен (21-0, 5 КО) өткізетінін растады. Промоутердің сөзін Boxingscene.com басылымы келтіріп отыр.

Хирн жекпе-жек өтетін уақыт пен орынды атады. Сонымен бірге, промоутер өзге боксшысы британиялық Лоуренс Околи (14-0, 10 KO) мен тағы бір польшалық Кшиштоф Гловацки (31-2, 19 KO) арасындағы бірінші ауыр салмақтағы WBO титулы үшін кездесуді Головкин жекпе-жегінің кардына кіргізбек.

"Бұл кездесуді Головкиннің келесі жекпе-жегінің кардына кіріктіргіміз келеді, егер шоу Чикагода өтсе. Қазір белгілісі - бокс кеші сәуірде өтетінге ұқсайды. Лондон, Чикаго, Нью-Йорк - осындай бір жерде", - дейді промоутер.