Қазақстандық боксшы Мұхамедсабыр Базарбайұлы Бусто-Арсициодағы лицензиялық турнирде алғашқы жекпе-жегін өткізді, деп жазады Vesti.kz.
63,5 келіде өнер көрсететін Мұхамедсабырдың қарсыласы Тринидад және Тобаго боксшысы Доннел Филлип болды. Бұл кездесуде төрешілер жеңісті бірауыздан қазақ боксшыға берді.
Бұған дейін Сәкен Бибосынов (51 кг), Махмұт Сабырхан (57), Асыланбек Шымберенов (71 кг) және Нұрбек Оралбай (80 кг) бірінші жекпе-жектерінеде жеңіске жетті. Ал бұрымды боксшымыз Римма Волосенко (60 кг) екі кездесуінде жеңіске жетті.