"Оған бекер уақыт жоғалтудың қажеті жоқ. Головкин Альварес туралы бар ойын айтты

tofight.ru

Қазақстандық Геннадий Головкин тағы да мексикалық Сауль "Канело" Альваресті қатты сынға алды, - деп хабарлайды vringe.com.

"Кейбір БАҚ-тың Альваресті ақтап алуға тырысатыны ызаландырады. Оны жақсы боксшы, ол жағдай жай ғана кездейсоқтық дейді. Ештеңе етпейді деп жазып, кейде оны мақтап қояды. Ал меніңше Альварес сияқтылар бокс үшін ең үлкен ауыртпалық. Ол допинг қабылдайды, ал оған көз жұма қарағысы келетіндер бар. Бұл - қиындық. Бүкіл бокс үшін. Альварес туралы айта беріп, бекер уақыт жоғалтудың қажеті жоқ.

Альвареске тағы да жеңілдік беруімізді қалайтындар көп. Олардың айтатыны: "Не бопты, қателік жасаған екен". Бірақ мұндай болмау керек. Бұл оқиғадан кейін ол әр күні допинг тест тапсыру керек болатын, басқалар үшін ескерту болатындай. Жас боксшылар алдыңғы буынды үлгі етеді. Ал олар допинг үшін ешқандай айыптың, шеттетудің болмайтынын көрсе, бұл жақсы үлгі емес. Жақсы үлгі беріңіздер, мұндай емес.

Жеке менде допинг сынамасымен бәрі дұрыс. Маған айтатыны: "Бөлмеде бол біз допинг сынамасын аламыз". Мен күтем, мен допинг қабылдамаймын. Ол туралы сұрақтардан қорықпаймын. Жасыратыным жоқ. Меніңше Альварес пен оның командасына жақсылап сабақ болу керек, өйткені олар әлі де мойындамай келеді. Мұндай болмау керек. Бәріміз таза бокс үшін күресуіміз қажет", - дейді Головкин.

Еске салайық, екі бірдей допинг сынамасы Альварестің қанында тыйым салынған кленбутерол барын көрсеткен. Осыдан кейін Альварес пен Головкин арасындағы 5 мамырға қарымта жекпе-жек өтпейтін болды. Боксшылардың алғашқы кездесуі 2017 жылы өткен болатын.

Әлеуметтік желілерде бөлісу