"Миллиардтық жоба" Головкинмен келісімшартқа қол қойылатынын құлақтандырды

Промоутер Эдди Хирн орта салмақтағы бұрынғы чемпион қазақстандық Геннадий Головкин (38-1-1, 34 КО) DAZN стриминг қызметімен келісімшартқа отыруға жақын екенін растады, - деп хабарлайды BoxingNews24.com.

2018 жылы наурызда Хирн бокс тарихындағы ең ірі келісімшартқа қол қойды. DAZN қызметімен сегіз жылдық келісім бойынша ол 32 бокс кешін өткізіп, ол үшін бір миллиард доллар алады.

Жуырда The Ring және FOX Sports журналисі Майк Коппинджер Головкин DAZN қызметімен келісімшарт жасасуға дайын екенін хабарлаған.

"Миллиардтық жоба" Головкинге акциялары мен жекпе-жектерін ұсынды

"Жазғанының үштен екісі шындық, Головкинмен келісімшартқа қол қойылғаны туралы осы аптада хабарланатын шығар. Matchroom Головкин мен DAZN арасындағы келіссөздерге қатыспады дегенді оқыдым, бұл бойынша айтарым: мен әр кездесуде болдым, бокс кештерін бірігіп ұйымдстырамыз - GGG Promotions-пен бірге", - деп атап өтті Хирн.

Жанкүйерлер DAZN Головкинмен келісімшартқа қол қойса, ай сайынғы жазылу құнын көтереді деп алаңдауда екен. Қазір абонент құны 9,99 доллар.

"Қазіргі мәселе оны платформаға тарту болып тұр. DAZN қызметін жұмыс істетуімсіз керек. Сондықтан мен, Оскар Де Ла Хойя, "Канело" және Энтони Джошуа платформа игілігі үшін қызмет етуіміз қажет. Акциялар - Головкинді DAZN-ға қарай бет бұрдыру құралы емес. Басқа да тетіктер бар", - дейді Хирн.

Әлеуметтік желілерде бөлісу