Жартылай ауыр салмақта WBA чемпионы Дмитрий Бивол (19-0, 11 КО) келесі қарсыласы екінші орта салмақтағы абсолют чемпион Сауль "Канело" Алвареспен жекпе-жекке (57-1-2, 39 КО) қатысты пікір білдірді, деп хабаралйды sports.ru.
"Біріншіден, мен Сергей Ковалев емеспін. Сергеймен салыстырғанда мүлде басқамын. Мен онымен сөйлескенімде, дайындыққа уақыты болмағанын айтқан еді. Жетінші раундтан кейін қауқары қалмапты.
Әрине "Канелоны" құрметтеймін. Әлбетте ол менің карьерамдағы ең мықты қарсылас, өйткені оны бүкіл әлем біледі. Ол ең мықтылардың бірі екенін дәлелдеген", - дейді Бивол.