Әлем чемпионы атағына ие отандасымыз Махмұт Сабырхан Бусто-Арсициодағы (Италия) лицензиялық турнирді жеңіспен бастады.
Махмұт бірінші жекпе-жегінде Эфиопия елінің өкілі Лета Фикремариам Ядесаны еш қиындықсыз жеңді.
Қазақстандық боксшының келесі қарсыласы – тай боксшысы Саравут Суктхет. Отандасымыз бұл боксшымен былтыр 22 жасқа дейінгілер арасындағы Азия чемпионатының финалында кездесіп, жеңіске жеткен.
Айта кетейік, бұған дейін шаршы алаңға шыққан Сәкен Бибосынов пен Римма Волосенко да алғашқы жекпе-жектерін сәтті аяқтаған болатын. Сондай-ақ бүгін Нұрбек Оралбай алғашқы жекпе-жегіне шығады.