"Күреспен шұғылданғанмын". Қазақстандық нокаутшы аралас жекпе-жекте жұдырықтасу жайлы

Бірінші орта салмақта жұдырықтасатын қазақстандық кәсіпқой боксшы Батыр Жүкембаев (18-0, 14 КО) қазір UFC-де өнер көрсетуі мүмкін еді. Бұл туралы ол Vesti.kz тілшісіне берген сұхбатында айтты.

Жүкембаев бала кезінде күреспен шұғылданған. Боксшының ойынша, бұл спорт оны ММА-ге әкелуі мүмкін болған.

"Егер бокста болмасам, балуан атанар едім. Күреспен шұғылданғанмын, бірақ, бокс көбірек ұнады. Кім біледі, қазір UFC-де өнер көрсетер ме едім.

UFC-ді Макгрегор мен Хабиб жекпе-жегінен кейін тамашалай бастадым. Қазір бұл спорт ұнайды. Алматыдағы жекпе-жектерді көргенмін. Өте әсерлі. Қазіргі уақытта ең мықтысы - Хабиб. Дегенмен мен сарапшы емеспін", - деді Жүкембаев.