Бірінші орта салмақта жұдырықтасатын қазақстандық боксшы Виктор Теміров (2-0, 2 КО) грузиялық Беку Муржикнелиді (6-24-1, 4 КО) нокаутқа түсірді, деп хабарлайды Vesti.kz.
"Қасапшы" лақап атты 21 жастағы Теміров қарсыласын бірнеше ауыр соққымен есеңгіретіп, екінші раундта нокаутпен жеңіске жетті.
Бұл оның екінші жекпе-жегі ғана екенін айта кетейік. Қазақстандық боксшы кәсіпқойдағы алғашқы айқасын 2021 жылы өткізіп, онда да нокаутпен жеңген. Боксшы Әзірге Германияда өнер көрсетуде.