Кәсіпқойда жеңілмеген қазақ боксшы WBO рейтингінің ТОП-15 тізіміне кірді
Боксшының командасы ұсынған сурет
Жартылай орта салмақта өнер көрсететін қазақстандық боксшы Нұрсұлтан Жаңабаев (8-0, 5 КО) Бүкіләлемдік бокс ұйымының (WBO) ТОП-15 рейтингіне кірді, - деп хабарлайды Vesti.kz.
Жаңартылған рейтингте Жаңабаев 15-ші орында тұр. Ал рейтингтің бұрынғы көшбасшысы литвалық Эгидиюс Каваляускас 15 желтоқсанда жартылай орта дивизионда WBO чемпионы америкалық Теренс Кроуфордтен жеңіліп, бірден оныншы орынға сырғыды.
Айта кетейік, Жаңабаев рингке 21 желтоқсан Ресейде шығу керек еді. Алайда жарақатына байланысты бұл жекпе-жектен бас тартты.
26 жастағы Жаңабаев соңғы рет 14 тамыз Сиднейде жергілікті боксшы Стив Гагоны (11-1, 4 КО) жеңіп, WBA Inter-Continental, WBO Oriental және IBF Pan Pacific титулдарын иеленген.