Айдос Ербосынұлы (16-0, 11 КО) мен кубалық Давид Моррелмен (7-0, 6 КО) жекпе-жектің жеңімпазы америкалық Дэвид Бенавидеспен (26-0, 23 КО) айқасады. Бұл туралы Vesti.kz тілшісіне мәлімет көзі хабарлады.
Қазақстандық пен кубалық қол қойған келісімнің шарты бойынша жекпе-жек жеңімпазы титулды Бенавидеске қарсы қорғауға міндетті.
Айта кетейік, Бенавидес екінші орта салмақтағы ең қауіпті боксшы саналады. Ал көптеген сарапшылар оның суперорта салмақтағы абсолют чемпион Сауль "Канело" Альварес (57-1-2, 39 КО) үшін ең үлкен қатер деп есептейді.