Екінші орта салмақтағы қазақстандық боксшы Бек Нұрмағанбет (11-0, 9 KO) Vesti.kz тілшісіне берген сұхбатында Лас-Вегастағы бокс кешінде нигериялық Абимболо Осундаироны (5-1, 3 КО) жеңгеніне қатысты пікірін айтты.
Канело - Чарло жекпе-жегінің кардында өткен айқас алты раундқа есептелген болатын, алайда үшіншісінде қазақстандық боксшы қарсыласын нокаутқа түсірді.
"Бұл бокс кеші тамаша өтті. Осындай үлкен шарада өнер көрсеткен ұнады. Канелоның кардында болу - боксшы үшін жақсы серпін. Ал екі абослют жұдырықтасып жатса, тіптен керемет. Менің жекпе-жегім жоспар бойынша өтті. Қарсылас осал емес, бірақ ол біздікі сияқты бокс мектебінен өтпеген.
Алда жоспар көп. Қолдау үшін командам мен менеджерлерге алғыс айтамын. Жыл соңына дейін тағы бір жекпе-жек өткізгім келеді", - дейді Бек.