Жәнібекек Әлімханұлы мен әлемнің бұрынғы чемпионы арасындағы жекпе-жек кейінге шегерілді
Орта салмақта өнер көрсететін қазақстандық боксшшы Жәнібек Әлімханұлы Instagram парақшасындағы сторисінде франциялық Хассан Н'Дам Н'Жикаммен (38-5-0, 21 KO) кездесу кейінге шегерілгенін хабарлады, деп жазады Vesti.kz тілшісі.
"Кеше белгілі болды. Top Rank алдағы уақытта ресми хабарлайды. Бірақ біз жанкүйерлеріміз үшін ертерек айтуды жөн санадық. Қарсыласымның визалық қиындықтарына байланысты жекпе-жекті 20 қарашаға ауыстырдық. Портер мен Кроуфордтың андеркардында жұдырықтасатын шығармыз. Жақсы шоу көрсетеміз деп үміттенемін", - деп жазды Әлімханұлы.
Еске салайық, бұл кездесу негізі 5-қараша күні Лас-Вегас қаласында өтуі керек еді.
28 жастағы Әлімханұлы соңғы кездесуін маусым айында Лас-Вегас қаласында өткізіп, америкалық Роб Брантты (26-3, 18 КО) нокаутпен жеңді.
Ал 37 жастағы Н'Жикам болса шілдеде венгриялық Габор Горбичпен жолығып, жеңіске жетті. Ол бұған дейін орта салмақта WBA және WBO чемпионы болған.
Загрузка матч-центра...
Жарнама