Орта салмақта өнер көрсететін қазақстандық боксшы Жәнібек Әлімханұлы (11-0, 7 КО) әлеуметтік желісінде жанкүйерлеріне алғыс білдірді, деп жазады Vesti.kz тілшісі.
Қазіргі таңда Әлімханұлы ұлыбританиялық боксшы Дэнни Дигнумға 14-0-1, 8 КО) қарсы өтетін кездесуге қызу дайындық өткізуде. Бұл жекпе-жек 21 мамыр күні Лас-Вегас (Невада штаты, АҚШ) қаласында өтеді. Кездесуде орта салмақтағы WBO ұйымының "уақытша" чемпиондық" атағы сарапқа салынады.
"Қолдау білдіріп жатқан барлық жанкүйерлерге рақмет. Жуырда Жер шарында жаңа чемпион болады", - деп жазды Тwitter парақшасында Әлімханұлы.
Айта кетейік, Жәнібек Әлімханұлының (11-0, 7 КО) ісін жүргізетін Top Rank промоутерлік компаниясы британиялық Дэнни Дигнуммен (14-0-1, 8 КО) жекпе-жек туралы құлақтандырды.