Орта салмақта IBF және IBO чемпионы Геннадий Головкиннің (41-1-1, 36 КО) промоутері Том Леффлер WBA "суперчемпионы" жапониялық Риота Муратаға (16-2, 13 КО) қарсы кездесуге қатысты ойын айтты, деп жазады Vesti.kz тілшісі.
Қазақстандық пен жапониялық арасындағы айқас 9 сәуірде Сайтама қаласындағы Saitama Super аренасында өтеді.
"Головкин-Мурата 9 сәуір Жапонияда. Чемпиондықты біріктерін кездесу. Бұл керемет кездесу болады. GGG әлемдік деңгейдегі жұлдыз. Ол бүкіл әлем бойынша жұдықтасып, барлық бокс көрерменнің сүйіктісіне айналды", - деп жазды Леффлер Instagram парақшасында.
Айта кетейік, бұған дейін осы айқастың андеркардында жұдырықтастатын алғашқы боксшылар анықталған болатын.