Орта салмақта IBF және IBO чемпионы Геннадий Головкин (41-1-1, 36 КО) Boxingnews.jp порталына берген сұхбатында WBA Super белбеуіне ие Риота Муратаның (16-2, 13 КО) алдағы айқастағы басымдығын айтты, деп хабарлайды Vesti.kz.
- Муратаны зерттедіңіз. Оның агрессив стилін тоқтата аламын деп ойлайсыз ба?
- Муратаға дайынмын. Мен бұл лагерде ұзақ еңбектеніп келемін, сондықтан, онымен қалай айқасу керегін білемін.
- Мурата туралы ойыңызды айтыңызшы, ерекшеліктерін.
- Мурата тек жеңіп үйренген, ал осы жолы отанында айқасады. Туған жерінің топырағы қолдау болады, меніңше, ол мықты боксшы. Ең мықты тұсы оның жойқын күші.
- Соңғы спаррингтеріңізден кейін Мурата қаншалықты өзгерді деп ойлайсыз?
- Ол кезде карьерасын енді ғана бастаған еді. Қазір ол мүлде басқа боксшы, Әлем чемпионы.