"GGG тізімде бірінші". 22 нокауты бар британиялық чемпион Головкинді сұлатып түсіретінін айтты
Орта салмақта жұдырықтасатын британиялық боксшы кіші Крис Юбенк (29-2, 22 КО) қазақстандық Геннадий Головкинмен (40-1-1, 35 КО) жекпе-жекке шыққысы келетінін мәлімдеді. Оның сөзінше, ол GGG-ді нокаутқа түсіре алады.
"Қазір Головкин менің айқасуым керек боксшылар тізімінде бірінші. Әрдайым GGG-мен жұдырықтасқым келетін. Жеңе алатынымды білемін. Ол жігітті сұлатып салуға қажеттінің бәрі бойымда бар", - деп келтіреді британиялықтың сөзін Sky Sports порталына сілтеме жасаған vRINGe.com.
Айта кетейік, Юбенк кейінгі жекпе-жегінде ресейлік Матвей Коробовты жеңіп, орта салмақта WBA ұйымының "уақытша" чемпионы атағын иеленген.