Елеусінов және Құлахмет. Алматыдағы кәсіпқой бокс кешінің қатысушылары белгілі болды

18 шілде Алматыда MTK Global компаниясы ұйымдастырған бокс кеші өтеді, - деп хабарлайды Boxingscene.com. 

МTK FightNight шоуы АҚШ-та ESPN+ платформасына және бүкіл әлемде IFL TV арқылы трансляцияланады. Бұл бокс кешінде Абай Төлеш (5-0, 3 КО), Дәурен Елеусінов (8-0-1, 7 КО), Арман Рысбек (7-0, 6 КО), Берікбай Нұрымбетов (5-0, 1 КО), Нұрдос Төлебай (2-0, 1 КО) және Рай Сейітжанов (2-0)сияқты қазақстандық боксшылар рингке шығады.

Сонымен қоса, бұл кештің кардында Азия чемпионы Тұрсынбай Құлахмет пен жастар арасындағы Олимпиаданың күміс жүлдегері Талғат Шәйкеннің кәсіпқойдағы бірінші жекпе-жектері өтеді. 

Алдағы күндері кард өзгеруі де мүмкін екені де айтылды.