Екеуінде де титул бар. Қазақстандық нокаутшылар WBC рейтингінде жоғарлады

Бүкіләлемдік бокс кеңесі (WBC) дивизиондар бойынша рейтингін жаңартты, - деп хабарлайды Vesti.kz.

Жаңа рейтингте екі қазақстандық боксшының орны өзгерген. Осылайша, орта салмақта өнер көрсететін Жәнібек Әлімханұлы (8-0, 4 КО) екі саты жоғарлап, 15-ші орыннан 13-ші орынға көтерілді. 

Соңғы жекпе-жегінде қазақ боксшы АҚШ-тың Фресно қаласында канадалық Альберт Онолуносені (24-3-1, 8 КО) нокаутқа түсіріп, WBC Continental Americas және WBO Global белбеулерін қорғап қалды.

"Айда да, су астында да сабаймын". Әлімханұлы Головкин салмағындағы чемпионды жекпе-жекке шақырды

Сонымен бірге, бірінші орта салмақта жұдырықтасатын Батыр Жүкембаев та бір саты көтеріліп, 11-ші орынға жайғасты. 

Ал Батыр 26 қыркүйек Канадада өткен соңғы жекпе-жегінде бұрынғы әлем чемпионы Мигель Васкесті (41-8, 15 КО) төрешілер шешімімен жеңіп, екінші деңгейлі WBA Continental және IBF Inter-Continental белбеулерін иеленген еді.

"Канелоның" бұрынғы қарсыласын жеңген Батыр келесі жекпе-жегіне дайындықты бастады