Орта салмақта WBO Global титулына ие қазақстандық проспект Жәнібек Әлімханұлы (9-0, 5 КО) осы дивизионда WBC тұжырымынша әлем чемпионы америкалық Джермалл Чарлоны (31-0, 22 КО) жекпе-жекке шақырды,- деп хабарлайды Vesti.kz.
Айта кетейік, осы уақытқа дейін қазақстандық боксшылардан төртеуі ғана әлем чемпионы бола алды - Геннадий Головкин, Бейбіт Шүменов, Василий Жиров және Жанат Жақиянов. GGG - қазір де белбеуі бар боксшы. Головкин салмағында жұдырықтасатын Жәнібек келесі жылы әлем чемпиондары қатарына кірмек ниетте.
"WBC рейтингінде алтыншы. Дайын бол, Чарло, 2021 жылы жұдырықтасамыз", - деп жазыпты Әлімханұлы твиттер желісінде.
"2021 жылы мен әлем чемпионы боламын", - деп атап өтті боксшы.