Қазақстандық проспект Данияр Елеусінов (9-0, 5 КО) алдағы екі жекпе-жегінде қатарынан екі экс-чемпионымен жұдырықтасуы мүмкін. Олар үш тұжырымда әлемнің экс-чемпионы "Көк машина" лақап атты Джулиус Индонго (23-2, 12 КО) және WBA Regular титулының бұрынғы иегері ресейлік Давид Аванесян (26-3-1, 14 KO). Бұл туралы
Vesti.kz тілшісіне Олимпиада чемпионының менеджері Зия Алиев айтып берді.
Елеусіновтің промоутері Хирн жыл соңына дейін Аванесян мен өзге клиенті Джош Келли (10-0-1, 6 KO) арасында жекпе-жек өткізуді ойластырып отыр. Алайда британиялық бір себептермен рингке шыға алмаса, промоутер оның орнына Елеусіновті қоймақ еді.
"Бұл сөздер көптен айтылып жатыр, бірақ, біз бірден Индонгоны таңдадық та, сонымен жекпе-жекке дайындалдық. Енді қазір бәрін ауыстырсақ па? Бұл дұрыс емес. Келлиді күтетін біз емес. Келлимен Индонгодан кейін ғана кездесуге болатын шығар.
Келли кіммен жұдырықтасты? Онымен Британияда кездесу өткізуге болар еді сол жақта қызық шығар, алайда, Данияр АҚШ-та өнер көрсетеді. Сондықтан қазіргі қарсылас - Индонго. Содан кейін, Аванесян. Ал Келли әзірге бұл тізімде жоқ", - дейді Алиев.