Британиялық маман қазақстандық Олимпиада чемпионына титулға бір қадам қалғанын айтты

Олимпиада чемпионы Данияр Елеусінов (8-0, 4 КО) кәсіпқойға тамаша икемделе алды. Vesti.kz тілшісіне берген сұхбатында talkSPORT редакторы Майкл Бенсон осындай пікір білдірді. 

Елеусінов WBC титулын иеленген америкалықпен жұдырықтасады

"Елеусінов кәсіпқой боксқа икемделіп келеді. Титулды жекпе-жектер туралы айтуға әлі ерте, дегенмен, қарсыластар деңгейін көтере беруге болады. Санчеспен жұдырықтасу оңай болмайды. Бұл 12 раундты жекпе-жектерде шыныққан қарсылас. Төрт жыл қатарынан жеңіп жүрді, тек былтыр техникалық нокаутпен жеңілді. Елеусіновке қиындық тудыруы мүмкін. Ал бұл кедергілер қазақстандық боксшының тағы бір дүние иегруіне қажет. Кездесу он раундқа есептелген, мұның өзі чемпиондық жекпе-жектерге жақын формат. Меніңше, Елеусіновте келесі жылы титул жеңіп алуға мүмкінідігі болады", - дейді британиялық маман.