Екінші орта салмақта әлем чемпионы Сауль Альварес жартылай орта салмақта UFC чемпионы Камару Усманмен жекпе-жек өткізуі мүмкін, деп жазады Vesti.kz тілшісі.
"Бәрі мүмкін. Ешқашан жоқ деуге болмайды. Бапкерім аралас жекпе-жек өнерінің шеберімен айқасатын мүмкіндіктің барын айтты. Жаттықтырушыма қаласаң шығайын деп жауап бердім", - дейді Альварес The MMA Hour подкастына берген сұхбатында.
Еске салайық, Альварес соңғы рет өткен жылы рингке шығып, америкалық Калеб Плантты 11-ші раундта құлатқан болатын. Ал Усман болса соңғы рет UFC 268 турнирінде америкалық Колби Ковингтонды жеңді.