Азия чемпионатына Қазақстан құрамасының үздік боксшылары бармайды

Бокстан Қазақстан құрамасының бас бапкері Ғалым Кенжебаев Vesti.kz тілшісіне берген сұхбатында ұлттық командадағы селекция туралы айтып берді.

Биыл Қазақстан құрамасын екі үлкен жарыс күтіп тұр - Азия біріншілігі мен әлем чемпионаты.

- Ғалым Қалиұлы. Азия чемпионаты туралы ақпарат бар ма? Салмақ дәрежелері қысқартыла ма?
- Азия чемпионаты өтеді. Барлық тоғыз салмақ бойынша да ақпарат келді. Ал әлем чемпионаты туралы... Уақыты белгілі, бірақ, сегіз салмақта өтетін шығар.

- Сегіз салмаққа дейін қысқартыла ма?
- Мүмкін. Ал Азия чемпионатына он салмақ бойынша ресми шақырту келді. Қазір осы жарысқа дайындаламыз.

Финляндиядағы турнир бар. Ол жерге жастарды - жастар арасындағы әлем чемпионаты, Олимпиада ойындарының жүлдегерлерін апарамыз. Олармен Ержан Жомарт және Азат Махметов аттанады. Аса маңызды турнир емес. Жігіттер алғаш рет шлемсіз жұдырықтасады, бұл үлкен қиындық екен.

- Тағы "Жібек жолы" бар ғой.
- Оны Әзірбайжан бокс федерациясы өткізеді. Онда да жігіттер барады.

- Сонда Азия чемпионатына дейін Қазақстан құрамасының көшбасшылары жұдырықтаспай ма?
- Йә, болды... Бізде жігіттерден үш құрам бар, оның үстіне кім қандай дайындықта екенін қараймыз, міне сол жігіттер Қазақстан намысын қорғайды. Бұл Азия чемпионатында лицензия берілмейді. Сондықтан басқа жігіттерді сынап көреміз. Олимпиада ойындарына таңдау жасау үшін.

Команда жаттығып жатыр. Қазір резерв жетіліп келеді. Кезінде Серік Сәпиев пен Геннадий Головкин мықты болатын. Қазір де командамыз мықты. Әлем чемпионы және Олимпиаданы ұта алатын жігіттер бар. Бірақ, көп еңбектену қажет, күтіп отыра бермей.

Еске салайық, бокстан Азия чемпионаты Тайландта сәуірдің екінші жартысында өтеді. Ал әлем чемпионаты қыркүйекте Ресейде өтеді деп белгіленген. Әлемдік турнир 2020 жылғы Олимпиадаға квалификациялық болып есептеледі.

Әлеуметтік желілерде бөлісу