Төрт дүркін әлем чемпионы және 2016 жылғы Рио Олимпиадасының алтын жүлдегері кубалық Хулио Сесар ла Крус кез келген қарсыласпен жұдырықтасуға дайын екенін мәлімдеді.
"Атағы маңызды емес. Рингтегі өз деңгейімді тексеру үшін үнемі мықтылармен ғана айқасқым келеді", - деп беріп отыр Ла Крустың сөзін AIBA Instagram желісінде.
Бұл сөзімен әйгілі кубалық 21 жастағы Бекзат Нұрдәулетовпен қарымтаны меңзеген болу керек. Ресейде өткен әлем чемпионатында қазақ боксшы Олимпиада чемпионын жеңіп, сенсация жасаған. Жартылай финалда Нұрдәулетов кубалықты нокдаунға түсіріп, кейін 81 келі салмақта алтынды да жеңіп алған болатын.