Екінші орта салмақта әлемнің абсолют чемпионы Сауль "Канело" Альварестің (57-2-2, 39 КО) бапкері Эдди Рейносо қазақстандық Геннадий Головкинмен (42-1-1, 37 КО) жекпе-жектен не күтетінін айтты.
"Бізді ауыр айқас күтіп тұрғаны сөзсіз. Алдыңғы екеуі де сондай болды. Біз рингке жеңілістен кейін шығамыз, сондықтан мұндағы бәс үлкен. Саульдің ынтасы артты және осы жолы нокаутпен жеңіске жетеміз.
Екінші кездесуде көргендеріңіз қайталанады - қысым және төбелесуге құлшыныс. Саульдің қолынан келетінін жасаймыз. Жеңілістен кейін бізге жарқын жеңіс қажет", - дейді Рейносо Нью-Йорктегі баспасөз мәслихаты кезінде.