Әлемнің экс-чемпионы Тони Беллью орта салмақта IBF белбеуі үшін сынға түсетін Геннадий Головкин (41-1-1, 36 КО) мен Риота Мурата (16-2, 13 КО) арасындағы жекпе-жектен не күтетінін айтты, деп хабарлайды Vesti.kz тілшісі.
"Биылғы жылдың қыркүйек айында Головкин мен "Канело" кездесуі мүмкін. Алайда оған дейін қос боксшы біраз қиындықтардан өтуі тиіс. Мәселен Головкин 9 сәуір күні Муратамен кездеседі. Егер Гена жас кезіндегідей жылдам болғанда алдағы айқастың айқын жеңімпазы дер едім. Ал қазір оның жасы келіп қалды. Оның үстіне біраз ауыр жекпе-жектер өткізді. Дегенімен жапониялықты жеңеді деп ойлаймын", - дейді Беллью.