Қазақстандық боксшы Бекзат Нұрдәулетовтің (2-0, 1 КО) кәсіпқойдағы келесі жекпе-жегінің күні мен өтетін орны белгілі болды, деп хабарлайды Vesti.kz.
Мұның алдында Бекзат карьерасын кәсіпқой бокста жалғастыратыны хабарланған. Маңғыстау облысының боксшысы отандық Adal Promotions компаниясымен ұзақ мерзімді келісімшарт жасады.
Нұрдәулетов бұл келісім бойынша бірінші айқасты 6 қараша Ақтаудағы "Халық Арена" спорт кешеніндегі бокс кешінде өткізеді. Қарсылас әзірге белгісіз. Бұл Бекзаттың кәсіпқойдағы үшінші жекпе-жегі болады.