Қазақстандық боксшы Сағындық Тоғамбай Ханчжоудағы Азия ойындарында алғашқы жекпе-жегінде жеңіске жетті, деп хабарлайды Vesti.kz.
92 келіде өнер көрсететін қазақ боксшы моңғолиялық Бариахаан Доржды нокаутқа түсіріп, ширек финалдық кезеңге өтті.
Екінші раундта Сағындық қарсыласын есеңгіретті, ал біраз уақыттан кейін төреші моңғолиялық боксшыға жекпе-жекті жалғастыруға рұқсат бермеді. Қазақстандық боксшы бірінші раундта да моңғолиялықты нокдаунға түсірген еді.