"Титулдарымды сенікіне айырбастығым келеді". Әлімханұлы Головкин салмағындағы әлем чемпионын жекпе-жекке шақырды

Сурет: instagram.com/janibek_alimkhanuly_team

Орта салмақта жұдырықтасатын қазақстандық боксшы Жәнібек Әлімханұлы (6-0, 2 КО) WBO чемпионы америкалық Деметриус Андрадені (28-0, 17 KO) жекпе-жекке шақырды, - деп хабарлайды Vesti.kz.

Кеше Андраде польшалық Мацей Сулецкиді (28-2, 11 KO) төрешілер шешімімен жеңіп, титулын қорғап қалды. Жекпе-жектен кейін амеркиалық боксшы қазақстандық Геннадий Головкин (39-1-1, 35 КО) мен мексикалық Сауль "Канело" Альваресті (52-1-2, 35 КО) жұдырықтасуға шақырды.

"Деметриус, сен үздіктермен жұдырықтасқың келетінін естідім? Кел, жекпе-жек өткізейік. Егер рейтингке алаңдасаң, оған уайым жеме. Мен WBO рейтингінің Топ-15 тізіміндемін. Белбеулерімді сенікіне ауыстырғым келеді. Қазақ стилі - әлемдегі бірінші", - деп жазыпты Әлімханұлы твиттер желісінде.

Demetrius @BooBooAndrade i hear you want to fight with the best? Let's do it. If you care about the rankings, don't worry. I'm in the top 15 in the WBO. I want to change my title to yours. Qazaq style #1 style in the world pic.twitter.com/fF98hzB8Cw
— Janibek Alimkhanuly (@qazaqstyle) 1 июля 2019 г.

Әлімханұлы рингке тамызда оралады. Биыл ол өзінің екінші деңгейлі белбеулерін толыққанды бір титулға айырбастағысы келетінін айтқан.

Орта салмақта WBC Continental Americas және WBO Global титулдарын Әлімханұлы биыл сәуірде Лос-Анджелесте мексикалық Кристиан Оливасты (16-5, 13 КО) жеңіп, иеленген болатын.

Әлеуметтік желілерде бөлісу