Қазақстан бокс федерациясын AIBA мүшелігінен айыруы мүмкін - БАҚ

Халықаралық бокс федерациясы (AIBA) Қазақстан бокс федерациясын (ҚБФ) ұйымнан шығарып тастауы мүмкін. Бұл туралы "Чемпионат" порталы хабарлап отыр.

Құрамына Джорджио Бруньоли, Пэт Фиакко пен Терри Смит (төраға) кіретін AIBA нормаларының орындалуын бақылау комиссиясы бокстан Азия чемпионаты кезінде Бангкокта отырыс өткізіп, AIBA атқару комитеті мен Азиялық бокс конфедерациясының (ASBC) шағымын AIBA тәртіптік комиссиясына жолдау мәселесін қарастырды.

Комитет ASBC бұрынғы президенті Серік Қонақбаевтың мұрағаттық істер мен қаржылық құжаттарды ұйымның жаңа басшылығына өткізе алмауы туралы шағымды қарастырды. Комиссия AIBA атқару комитетіне AIBA тәртіптік комиссиясының талаптарына сәйкестік туралы қысқаша есеп беруге ұсыныс жасады.

Сонымен бірге, комиссия AIBA атқару комитетінің Қазақстан бокс федерациясының атқарушы директоры Бекжан Бектеновке қатысты ұлттық федерацияны олимпиадалық квалификациялық турнирлерді басқаратын жаңа ұйым жасауға мәжбірлемек болғаны туралы дәлелдер келтірді.

Комиссия бұл істі AIBA тәртіптік комиссиясына жолдап, Бектеновті AIBA мүшелігінен уақытша шектеу туралы ұсыныс жасады.

Әлеуметтік желілерде бөлісу