Қазақстандықтар жұдырықтасатын Азия чемпионаты 1/4 финалының екінші күніне тікелей трансляция

Сурет: Данияр Майлыбаев©

Бүгін, 23 сәуір, Тайланд астанасы Бангкокта өтіп жатқан бокстан Азия чемпионаты 1/4 финалының кезекті жекпе-жектері өтеді, - деп хабарлайды Vesti.kz.

Астана уақытымен 13:00-де басталатын күндізгі сессияда Қазақстан құрамасының үш боксшысы жұдырықтасады. Ең қызықты жекпе-жектердің бірі 75 келіге дейінгі салмақта болады, қазақстандық Тұрсынбай Құлахмет рингке өзбекстандық Исраил Мадримовпен шығады. Өзбекстан боксшысы кәсіпқой рингте екі жекпе-жек өткізіп, "Құбыжық" лақап атын иеленіп үлгерген.

60 келі. Закир Сафиуллин (Қазақстан) - Цзюнь Шань (Қытай)
75 келі. Тұрсынбай Құлахмет (Қазақстан) - Исраил Мадримов (Өзбекстан)
91 келі. Василий Левит (Қазақстан) - Саади Мохаммед Рабеа (Ирак)

Кешкі сессияда (17:00) тағы екі боксшымыз жұдырықтсады.

69 келі. Асланбек Шымбергенов (Қазақстан) - Бобо-Усмон Батуров (Өбекстан)
+91 келі. Қамшыбек Қоңқабаев (Қазақстан) - Одай Альхивдави (Иордания)

Еске салайық, кеше 2019 жылғы Азия чемпионатының жартылай финалына үш боксшымыз жолдама алды : Теміртас Жүсүпов (49), Санатәлі Төлтаев (64) және Бек Нұрмағанбет (81). Ал Қайрат Ералиев (56) 1/4 финалда жеңілді.

А рингі

Б рингі