"Бір қадам шегінбейм, артымда елім - Қазақстаным тұр". Нокаутшы Жүкембаев АҚШ-та жұдырықтасу жоспары жайлы

Бірінші орта салмақта өнер көрсететін қазақстандық боксшы Батыр Жүкембаев (15-0, 12 КО) Vesti.kz тілшісіне берген сұхбатында алдағы жоспарлары туралы айтып берді. 

Наурызда Жүкембев мексикалық Хилберто Месамен (10-6-1, 6 КО) он раундты жекпе-жек өткізіп, төрешілер шешімімен жеңген. 

- Соңғы сәтте қарсыласыңыз ауысып кетті. Жұдырықтасуыңызға қалай әсер етті?

- Қарсыластың дәл жекпе-жек алдында ауысуы жақсы емес. Дегенмен кез келген деңгейдегі айқасқа дайын болып шықтым. Ең мықты қарсылас емес, бірақ өте тәжірибелі. Оны промоутер мен матчмейкеріміз тапты. Біз тек келісеміз. Хименесте визамен қиындықтар болды, бұл бізге қатысты емес. Түрлі жағдай болады, бәріне дайын жүру керек. Әрбір жекпе-жек менің басты мақсатым - әлем чемпиондығына бір қадам. Кері шегіне алмаймын. Артымда елім - Қазақстаным тұр. Үлкен жауапкершілікті сезінемін. Туымызды көтеріп тұрып, ел намысын қорғау қасиетті іс екенін түсінесің. 

- Жекпе-жегіңді АҚШ промоутерлері тамашалайды деген хабар болды?

- Соңғысына америкалық промоутер тікелей өзі қатыспады, бірақ, келіссөздер жүргізіп жатырмыз. АҚШ аумағында кездесу өткізгіміз келеді. Аз қалды. Шыдамдылық таныту керек. АҚШ нарығында әсерлі пайда болғым келеді. Қолымнан келеді деген ойдамын. Рекордын 30 жеңіске дейін жеткізген боксшылар болды. Америкада ондайлар көп. Головкиннің өзі АҚШ-та алғаш 24-ші жекпе-жегінде жұдырықтасты. Келіссөздерді оңды жүргізу маңызды. Осы бағытта жұмыс істеп жатырмыз. 

- Келесі қарсылас пен жекпе-жек туралы не айта аласыз?

- 17 мамырға белгіленген. Бұл жолғы қарсылас мықты. Промоутерім жанкүйерлерге үлкен шоу уәде еткен. Бұл мені қуантып отыр.

- Промоутермен арада алауыздықтар бар деген сөздер айтылып жүр?

- Арада ондай ештеңе жоқ. Ресми түрде мәлім етемін - бізде бәрі дұрыс. Промоутерлік компаниям ісімді жүргізіп жатыр. Мен осы командадамын. Ары қарай жаттығып жатырмын, үлкен жекпе-жектер мен чемпиондық белбеуді қалаймын. 

Мұның алдында қазақстандық боксшының менеджері Анна Рева биылдан қалмай америкалық нарыққа шығу жоспары туралы мәлімдеген. Жүкембаев Eye of the Tiger компаниясы келісімшартта.