"Жекпе-жек үшін сегіз санды гонорар". Головкин "миллиардтық" жобамен кездесті

Орта салмақта бұрынғы әлем чемпионы қазақстандық Геннадий Головкин (38-1-1, 34 КО) жаңа телесеріктес бойынша келіссөздер өткізді. Бұл туралы The Ring және FOX Sports журналисті Майк Коппинджер мәлімдеді.

Оның ақпаратынша, Головкин Matchroom промоутерлік компаниясының басшысы Эдди Хирн және DAZN стримингтік қызметін иеленіп отырған Perform Group директоры Джон Скиппермен кездесті.

"Мәлімет көздері: Хирн мен Скиппер таңғысын Лос-Анджелесте Головкинмен кездеседі. Хирн GGG-мен келісіп, DAZN-ге ертіп әкеле алатынын сезеді. Бұл сенім әрқайсысына сегіз санды гонорар төленетін екі жекпе-жекке негізделген", - деп жазыпты Коппинджер, сонымен бірге, ол келіссөздерде Том Леффлердің болмағанын айта кетті.

"Оқыс жағдайлар болмаса, GGG мен Хирн және DAZN арасында келісімшартқа қол қойылатын сияқты", - деп нақтылады ол.

Sources: Eddie Hearn and John Skipper meeting with Gennady Golovkin this morning in Los Angeles. Hearn feels he’ll be able to finalize terms with GGG to bring him exclusively to DAZN. Belief is it’s a two-fight offer worth eight figures per bout
— Mike Coppinger (@MikeCoppinger) 30 января 2019 г.

Осыдан кейін Головкин Showtime және FOX арналары үшін бокс кештерін өткізетін Premier Boxing Champions (PBC) жобасының өкілдерімен кездесу өткізді.

"Мәлімет көздері: GGG қазір PBC өкілдерімен кездесу өткізіп жатыр. Головкин бүгін Хирн және Скиппермен кездескен. GGG-дің артынан қуғын аяқталып қалған сияқты", - деп жазды Коппинджер.

Sources: GGG now meeting with officials from PBC. Golovkin met with Eddie Hearn and John Skipper earlier today. Pursuit of GGG seems to be reaching the final stages
— Mike Coppinger (@MikeCoppinger) 30 января 2019 г.