Орта салмақта WBA regular белбеуінің иегері америкалық Роб Брант (24-1, 16 КО) келесі жекпе-жегін жеңілмеген ресейлік Хасан Байсунгуровпен өткізеді. Бұл туралы Top Rank промоутерлік компаниясы хабарлады.
Брант - Байсангуров жекпе-жегі 15 ақпан АҚШ-тың Хинкли қаласындағы бокс кешінде өтеді. Жекпе-жекті ESPN арнасы трансляциялайды.
28 жастағы Брант 20 қазанда Риота Муратаны (14-2, 11 КО) жеңіп алған белбеуін алғаш рет қорғайды. Осы оқиғадан кейін америкалық Геннадий Головкинмен (38-1-1, 34 КО) жұдырықтасуы мүмкін екені айтылған.
Киевте тұрып жатқан 21 жастағы Байсангуров титул үшін алғаш жұдырықтасады. Жекпе-жектерінңің көбін ол Украинада өткізген, сонымен бірге, екі рет Ресейде және Әзірбайжанда бір рет жұдырықтасты.
Айта кетейік, Хасанның ағасы 36 жастағы Заурбек Байсангуров (29-1, 21 КО) алғашқы орта салмақта WBO және IBO чемпионы болған, кәсіпқой бокста ол 2004 және 2014 жылдар аралығы жұдырықтасты.
Жарнама