"Жартылай ауыр салмақ Головкині" Альварес андеркартында жұдырықтаспайтын болды

Артур Бетербиев (сол жақта). © DAZN

Жарытлай ауыр салмақта IBF чемпионы ресейлік Артур Бетербиевтің (3-0, 13 КО) америкалық Джо Смитпен (24-2, 20 КО) жекпе-жегі желтоқсанда өтпейтін болды, кездесу 2019 жылдың басына шегерілді, - деп хабарлайды VRinge.com.

Бетербиев соңғы рет 6 қазан Чикагода британиялық Каллум Джонсонды (17-1, 12 КО) нокдаунға түсіп тұрып, нокаутпен жеңген. Осыдан кейін боксшының командасы келесі жекпе-жектің арасын тым жақын қылмау туралы шешімге келді. Ресейліктің командасы асығыстық салдарынан Смит сияқты қауіпті қарсылас жеңіп кетуі мүмкін деген ойда.

Мұның алдында Бетербиев - Смит жекпе-жегін 15 желтоқсан, Нью-Йорктегі Madison Square Garden аренасындағы бокс кешінде өткізу жоспарланған еді. Бұл кештің басты жекпе-жегінде мексикалық Сауль "Канело" Альварес (50-1-2, 34 КО) екінші орта салмақта WBA regular чемпионы Рокки Филдингпен (27-1, 15 КО) жұдырықтасады.

Айта кетейік, Джонсонмен жекпе-жек Бетербиев үшін IBF белбеуін алғаш қорғау болды. Ресейлік бұл белбеуді 2017 жылы неміс Энрико Келлингті (26-3, 8 КО) жеңіп иеленген еді.

Айта кетейік, Джонсонның бапкері Джо Галлахер ресейлік Бетербиевті "Жартылай ауыр салмақтың Головкині" деп атаған.

Әлеуметтік желілерде бөлісу