АҚШ-тағы жекпе-жек алдында Әлімханұлы үш салмақтағы экс-чемпионның ұлымен спарринг өткізді

Жәнібек Әлімханулы. © Vesti.kz. Тұрар Қазанғапов©

Қазақстандық кәсіпқой боксшы Жәнібек Әлімханұлы (2-0, 1 КО) АҚШ-тағы алғашқы жекпе-жегінің алдында америкалық кіші Шейн Мозлимен (10-2, 7 КО) спарринг өткізді, - деп хабарлайды Vesti.kz.

Үш салмақ дәрежесінде бұрынғы әлем чемпионы Шейн Мозлидің (49-10-1, 41 КО) ұлымен дайындық жекпе-жегі жаттығу бағдарламасының қорытынды бөлігі. Кіші Мозли кәсіпқой боксқа төрт жыл бұрын келген, осы уақытта ол 12 жекпе-жек өткізіп, екеуінде ғана ұпай санымен жеңілген.

Әлімханұлы кіші Шейн Мозлимен үш раундтық жекпе-жек өткізді.

Жәнібек Әлімханұлын АҚШ-тағы екінші жекпе-жегінде12 жеңісі бар "айуанмен" жұдырқтастырмақ

Жәнібек Әлімханұлының Америкадағы алғашқы жекпе-жегі 28 қыркүйекте Окландтағы бокс кешінде өтеді. Сегіз раундтық жекпе-жекте қазақстандық боксшы 27 жастағы колумбиялық Карлос Галванмен (16-7-1, 15 КО) жұдырықтасады.

Сонымен бірге, қазақстандық боксшының АҚШ-тағы екінші қарсыласы да белгілі болды. Әлімханұлы мен Вон Александр (лақап аты The Animal - "Аюан") арасындағы жекпе-жек 3 қарашаға белгіленген. Кездесу Техас штатындағы Эль Пасо қаласындағы екінші жартылай жеңіл салмақта Мигель Берчельто (34-1, 30 КО) және Мигель Роман (60-12, 47 КО) арасындағы WBC белбеуі үшін жекпе-жегінің андеркартында өтеді.

25 жастағы Жәнібек Әлімханұлы кәсіпқой рингте екі рет жұдырықтасып, екі рет те жеңіске жеткен. Мұның алдында қазақстандық Сауль "Канело" Альваресті жекпе-жекке шақырып, мексикалықты нокаутқа түсіретін алғашқы боксшы болатынын мәлімдеген.

Әлеуметтік желілерде бөлісу