Головкиннің командасы "Канеломен" қарымта алдында жаттығуын неге тоқтатқанын түсіндірді

Геннадий Головкин Денис Тенмен қоштасу кезінде. © Tengrinews.kz

Орта салмақта WBC, WBA, IBO чемпионы қазақстандық Геннадий Головкиннің командасы промоутер Том Леффлердің жаттығуды тоқтату туралы айтқан сөзіне пікір білдірді, - деп хабарлайды Vesti.kz.

Мұның алдында Леффлер жаттығу лагерін тоқтата тұру себебі ретінде Головкиннің командаласы қатысатын бокс кешіне қатысумен ғана түсіндірген.

GGG-дің Қазақстаннан АҚШ-қа рейсі Мәскеуде аялдады. Спортшы осы жағдайды пайдаланып Бүкіләлемдік бокс суперсериясы (WBSS) финалындағы Александр Усикпен жекпе-жекке шыққан Мурат Гассиевті қолдауға барған. Головкин дүйсенбіден бастап Big Bear лагеріндегі жаттығуларына кірісіп кетті.

"Геннадий Денис Теннің қазасын ести сала алғашқы рейспен Лос-Анджелестен Алматыға ұшып кетті. Ол сенбі таңғысын ұшақтан түсіп, Дениспен қоштасып, ата-анасын қолдау үшін сол үйге барды.

Осы уақыт бойы солардың қасында болды, басқа ешкіммен тілдескен жоқ. Көпшілік қоштасу кезінде неге сөз алмады деп сұраған болатын. Ол көпшілік алдында сөз сөйлеуге емес, Денистің ата-анасын қолдауға келген. Осындай маңызды жекпе-жек алдында жаттығуын да сол үшін ғана үзді. Ол Денисті адам ретінде және спортшы ретінде де қатты сыйлайтын. Бұл расымен барлығымыз үшін ауыр қаза", - дейді Головкиннің өкілі Жанар Өтешова.

Әлеуметтік желілерде бөлісу