Сарапшы Шүменовтың ауыр салмақтағы чемпиондармен жұдырықтасуы жайлы ойын айтты

Сурет: Vesti.kz, Тұрар Қазанғапов©

TalkSport.com спорт сайтының редакторы Майкл Бенсон Vesti.kz тілшісіне екі салмақ дәрежесінде чемпион болған жалғыз қазақстандық Бейбіт Шүменовтың (17-2, 11 КО) Астанадағы бокс кешіндегі Хизни Алтункаямен (30-1, 17 КО) жекпе-жегіндегі жеңісіне қатысты ойын айтты.

7 шілдеде Астанада Шүменовтың шаршы алаңға оралуы болды. Бокс кешінің басты жекпе-жегінде қазақстандық жетінші раундта қарсыласын нокаутқа түсірді.

"Ек жыл үзілістен кейін Шүменов шаршы алаңға қайта оралды. Бұл қауіпті шешім болды, өйткені көзінен жарақат алған болатын. Ал жекпе-жек немен аяқталары белгілі еді. Үлкен ықыласына қарамастан, түркиялық боксшылардың деңгейі жоғары емес. Қарсыласының жеңіске мүмкіндігі болған жоқ.

Шүменов бірінші раундта қарсыласын есеңгіреткеннен кейін, кездесудің немен бітері түсінікті болды. Меніңше, бапкер Шүменовтың физикалық жағдайын сынағысы келді. Қалай дегенмен оған дивизионның мықтыларымен күш сынасуға әлі ерте. Қазір жақсы қалыпқа келу қажет. Содан кейін ғана үлкен жекпе-жектер туралы ойлау керек", - дейді Бенсон.

Жекпе-жектен кейін Шүменов кездесуді ертерек аяқтай салуға шамасы келгенімен, кубалық бапкер Исмаэль Саластың айтқанын істегенін мәлімдеді. Ал Алтункая қазақстандық боксшыны ең мықты қарсыласы болғанын айтып мақтады.

Әлеуметтік желілерде бөлісу