Қазақстандық боксшы Ковалевтің андеркартында қандай тактика қолданатынын айтты

Мадияр Әшкеевтің facebook желісіндегі парақшасынан

29 жастағы кәсіпқой боксшы Мадияр Әшкеев (8-0, 4 КО) доминикандық Хосе Антонио Абреумен (13-3, 8 КО) Нью-Йоркте өтетін жекпе-жегі алдында Vesti.kz тілшісіне қандай тактика қолданатынын айтып берді.

Әшкеев ресейлік жартылай ауыр салмақтағы Сергей Ковалев (31-2-1, 27 КО) пен Игор Михалкин (21-1, 9 КО) жекпе-жегінің андеркартында жұдырықтасады.

- Мадияр, 3 наурыздағы қарсыластың есімі белгілі. Доминикандық Абреу екені белгілі.

- Иә. Жекпе-жекке дайындалып жатырмыз.

- Ол туралы не айтуға болады? Ол 13 жекпе-жекте жеңіске жеткен екен.

- Ол бойшаң жігіт (күледі)

- Сізден биік пе?

- Иә.

- Абреу негізінен 147 фунт салмақта жұдырықтасады. Артықшылықтары мен кемшіліктері ?

- Иә, негізінен 147 фунтта жұдырықтасты, бірақ, оның кемшіліктері мен артықшылықтарын рингте көреміз. Қалай әрекет ететінімізді ертең, кешкі жаттығуда бапкермен талқылаймыз.

- Абреудің статистикасы қызықты. Барлық жеңілісі 147 фунтта, ал 154 фунтта жеңді. Бойшаң болса, қолы ұзын қарсыласпен қалай жұдырықтасу керек?

- Оған жақын жүріп жұдырықтасуға тырысамын.

- Бастан әлде өне бойынан ұрған жөн бе?

- Алғашқы раундтарда денесінен соққы жасаймын. Сосын іштен - бастан аралас соққы жасаймын.

- Бастапқыда сегіз раунд деді, ал қазір алты дейді.

- Иә, солай болатын, кейін өзгерді, неге екенін білмеймін.

Айта кетейік, бұл бокс кешінде қазақстандық тағы бір кәсіпқой боксшы Мейірім Нұрсұлтанов та шаршы алаңға шығады. Оның қарсыласы әзірге анықталған жоқ.

Әлеуметтік желілерде бөлісу