Golden Boy Promotions компаниясының президенті Эрик Гомес қазақстандық Геннадий Головкин мен мексикалық Сауль "Канело" Альварес арасындағы қарымта жекпе-жекті ұйымдастыру бойынша істің қалай өрбіп жатқанын айтып берді.
"Канело" осы уақыт бойы демалыста болды. Келесі аптада кездесуіміз керек. Отырып, бәрін талқылаймыз. Қарымта кездесуге жақынбыз", - дейді Гомес Fight Hub TV арнасына берген сұхбатында.
Сонымен қатар, ол жекпе-жек өтетін орын туралы да өз ойын айтты. "Даллас Ковбойз" және Madison Square Garden бізге үлкен ұсыныс жасмақ ниетте. Жекпе-жек туралы келісімге қол қойылғаннан кейін бірден осы мәселеге кірісеміз", - дейді Гомес.
Болжам бойынша, боксшылар 2018 жылдың мамырында жұдырықтасады. Кездесу қыркүйекке қалып қоюы да мүмкін.
Жарнама