Головкиннен жеңісті қалай тартып алды?: Төрешінің сұхбаты мен толық талдау

YouTube хостингіндегі "Ветеран второразрядник" арнасының авторы Boxingscene.com сайтында жарияланған CompuBox статистикасына және төрешілердің жазбаларына жүгіне отырып, Геннадий Головкин мен Сауль Альварестің жекпе-жегіне толық талдау жасады.

Боксшылардың барлық соққысын мұқият санап шыққан соң блогер төрешілердің қалайша қазақстандық боксшының пайдасына дауыс бермегені жайлы сауал қояды. "Мен Головкин жеңді деп ойлаймын", - деп айтып өтті ол.

YouTube хостингіндегі Artorias Boxing арнасы да осы жекпе-жекке талдау жасаған. Vesti.kz мәліметінше, арнада жарияланған видеода боксшылардың әр раундта жасаған таза соққылары көрсетілген.

Головкин - Альварес:
1-раунд: 8:8;
2-раунд: 11:8;
3-раунд:10:9;
4-раунд: 16:6;
5-раунд: 17:5;
6-раунд: 15:6;
7-раунд: 15:4;
8-раунд: 21:6;
9-раунд: 13:5;
10-раунд: 25:12;
11-раунд: 13:4;
12-раунд: 17:9.

Осылайша, соққылардың жалпы саны бойынша Головкин 181:82 есебімен жеңіп тұр.

Ал Los Angeles Times журналисі Анхель Родригес екінші төреші Дон Треллге назар аударуды сұрайды. Дон Трелл 7-раундта "Канелоға" дауыс берген, ал Моретти мен атышулы Аделаида Бердтің өзі бұл раундта дауысты Головкинге берген. Artorias Boxing мәліметіне сүйінетін болсақ, Головкин 7-раундты таза жеңіспен өткізді.

Сондай-ақ, Желіде 2013 жылы болған жекпе-жектердің бірі түсірілген видео пайда болды. Онда жеңісті 118-110 есебімен Альвареске берген төреші Аделаида Берд кейінірек өзінің әрекетін түсіндіріп берген.

Айта кетейік, 17 қыркүйекте Лас-Вегаста өткен Головкин - Альварес жекпе-жегі 12 раундқа созылды. Жекпе-жек қорытындысы бойынша Головкин мен Альварес тең түсіп, Головкин барлық титулын сақтап қалды.

Ал кейінірек жекпе-жектің толық видеосы жарияланды.

Әлеуметтік желілерде бөлісу