Екінші орта салмақта жұдырықтасатын қазақстандық Мұса Тұрсынғалиев кәсіпқой бокста 22 күнде жеті рет жеңіске жетіп үлгерді. Барлық жекпе-жек Мексикада өтіп, қарсыластары да жергілікті боксшылар болды.
Vesti.kz боксшымыздың жекпе-жектерінен видеожинақ жасады.
Тұрсынғалиев кәсіпқой рингке 10 қарашада аяқ басқан. Алғашқы жекпе-жегінде ол қарсыласын бірінші раундта нокаутқа түсірді. төрт күн өте келесі қарсыласын жеңді. Үшінші жекпе-жегінде ұпай саны бойынша жеңімпаз атанды.
Осылайша ол 20 күнде алты жекпе-жек өткізіпті. Ал 3 желтоқсанда оның жетінші жекпе-жекте жеңіске жеткені белгілі болды. Ол мексикалық Канкун қаласындағы бокс кешінде қарсыласын бірінші раундтың екінші минутында нокаутқа түсірген.
Төменде жерлесіміздің бокстағы өмірінен үзінділерді ұсынамыз.
Әлеуметтік желілерде бөлісу
Жарнама