Ойын тағдырын ойыншы басымдығы шешті – Занковец

"Барыс" хоккей клубының бас жаттықтырушысы Эдуард Занковец командасы "Динамоның" жеңгеннен кейінгі өз ойын білдірді. Бұл туралы елордалық клубтың ресми сайты хабарлады.

- Бұл ойынға тыңғылықты дайындалдық. Ойын қиын әрі тең дәрежеде өтті. Мүмкін жауапкершілікті аса қатты сезініп ойнағандаймыз. Себебі ойын оңай болған жоқ. Негізінде ойын тағдырын ойыншы басымдығы шешті.

- "Барыс" пен "Динамо" арасын 30 ұпай бөліп тұр. Бұл командалардың деңгейінде айырмашылық барын айқындай ма?

- Маусым басында "Динамоның" ойындарын көп назарға алған жоқпыз. Соңғы ойындарында сәтті ойнап жүр. Сондықтан да қос команда ойынында көп айырмашылық жоқ.

Ойын соңынан "Динамо" клубының бас жатықтырушысы Сейейс Нормундс та өз пікірін білдірді.

- Ойынға жақсы дайындалдық. Қарсыластардың ойынын зерттедік. "Барыста" өз мүмкіндігін жібермейтін мықты ойыншылар бар. Ойыншы басымдығында сәтті ойнағанын байқадыңыздар. Екі шайбаны осындай жағдайда соқтырып алдық. Бірінші гол сағымызды сындырғандай. Бізде жақсы мүмкіндіктер болды. Бірақ жүзеге аспады. Біздің ойыншыларға бірде шеберлік жетіспесе, бірде сәттілік серік болмады, - деді.

Айта кетейік, "Барыс" Ригада "Динамоны" ұтып, құрлықтық хоккей лигасының Шығыс конференциясында бесінші орынға көтерілген болатын.

Әлеуметтік желілерде бөлісу