Бендиден Қазақстан құрамасының әлем чемпионатының жартылай финалдағы қарсыласы анықталды

Қазақстан құрамасы бендиден әлем чемпионатының жартылай финалында Швеция құрамасымен кездеседі, деп хабарлайды Vesti.kz порталы. 

Ресейдің Хабаровск қаласында бендиден әлем чемпионаты жалғасып жатыр. Бүгін, 2 ақпан күні Қазақстан құрамасы ширек финалда Норвегияны жеңіп, доданың жартылай финалына шықты. 

Жартылай финалдағы Қазақстан құрамасының қарсыласы Швеция мен Венгрия құрамалары арасындағы кездесуде анықталды. Бұл ойында швед ойыншылары қарсыласытарын 16:3 есебімен жеңіп, жартылай финалға шықты. 

Еске салайық, Қазақстан құрамасы әлем чемпионатының топтық кезеңінде үш кездесу өткізіп, барлығында жеңіске жетті. Алдымен біздің құрама Венгрияны 29:0 есебімен жеңсе, кейін АҚШ құрамасын 14:1, Германия құрамасын 17:2 есебімен ұтты.

Қазақстан құрамасы әлем біріншілігінің алты дүркін қола жүлдегері. Өткен әлем чемпионатында құрамамыз бесінші орын алып қалып, В тобына түсіп қалған еді.