Ресей жеңіл атлеттері әлем чемпионатына өз елдерінің атынан қатыса алмайды

Ұлыбритания астанасы Лондон қаласында өтетін жеңіл атлетикадан XVI әлем чемпионатына Ресей спортшылары өз елдерінің атынан қатыса алмайды
Бұл туралы Халықаралық жеңіл атлетика федерациялары қауымдастығының (IAAF) ресми мәліметіне сүйене отырып, ҚР жеңіл атлетика федерациясының ресми сайтында хабарланды.

"Ресей спортшылары допинг дауына байланысты көрші Ресей елінің атлеттері өз елдерінің атынан қатыса алмайды. Олар тек бейтарап спортшы өнер көрсетеді. Сондай-ақ олардың жейделерінде ресейлік екенін көрсететін тудың суреті болмауы керек", - деп жазылған.

Естеріңізге сала кетейік, аталған әлемдік додада Қазақстан намысын 13 спортшы қорғайды. Олар - Ольга Рыпакова, Мария Овчинникова (екеуі де - үш қарғып секіру), Виктория Зябкина (200 метр және 4х100 метрге эстафеталық жүгіру), Полина Репина, Георгий Шейко, Регина Рыкова, Диана Айдосова ( бәрі де - 20 шақырымға спорттық жүріс), Елена Наназиашвили (марафон), Ольга Сафронова, Юлия Рахманова, Рима Кашафутдинова, Светлана Голендова, Анастасия Тулапина (бәрі де - 4х100 эстафеталық жүгіру).

Әлеуметтік желілерде бөлісу