Үстіге
Тілеуіңіз болсын, күтіңіз... Email жазып көрсетіңіз Атыңызды немесе лақап атыңызды жазып көрсетіңіз Құпия сөз жазып көрсетіңіз Сайтта тіркелу үшін Сіз бірлестіктің ережелерін қабылдауыңыз қажет Профильді өзгерту үшін сайтқа кіру қажет Дұрыс email жазып көрсетіңіз Мәлімет таңдаулыға қосылды Таңдаулыға қосу Таңдаулыдан алып тастау Құпия сөздер сәйкес келмейді Сайтқа кіретін құпия сөз жазып көрсетіңіз Жақсы құпия сөзде кіші, бас латиндық әріптер және сандық белгілер болуы керек. Құпия сөзге тыныс белгілерін қосуға және ұзындығын кем дегенде 8 әріп жасауға ұсыныс береміз. Даусыңызға рахмет! Қосу +1 Алып тастау +1 Жауап нұсқасын таңдаңыз
Орын
жаңа тег қосу Слайдшоу қарау (пробел) Пауза Артқа Алға Орнынан көшіру Жабу (Esc) Толық көлеміне ашу Суретті жабу үшін жай басыңыз, қозғау үшін басып жібермеңіз
Пікіріңізге рахмет! Мәтін қойыңыз...
Күтіңіз...

Жеңіл атлетикадан қанша әлем чемпионатының жүлдегері бар?

Қазіргі кезде біздің құрама рейтингте 16-орында тұр.


Бүгінгі таңда әлемнің мен деген мықты атлеттері Лондондағы әлем чемпионатына дайындалып жатыр. Дүниежүзінің үздіктерімен қазақстандық спортшылар да тайталасып көреді.

Жеңіл атлетикадан әлем чемпионатының тарихы 1983 жылдан басталады. Әйтпесе 60-70 жылдары Ғ.Қосанов, Ә.Тұяқовтар атой салған жылдары өткенде, қазақ жастары да бес құрлықтың мықтылары бас қосқан додада топ жарып қалар ма еді?

Еліміз тәуелсіздік алған соң, дербес ел ретінде жеңіл атлетикадан әлем чемпионатына алғаш рет 1993 жылы қатыстық. Германияның Штутгарт қаласында өткен әлем чемпионатында қазіргі ұлттық құраманың бас бапкері Григорий Егоров сырықпен секіруден күміс медаль жеңіп алды. Жерлесіміз украиналық Сергей Бубкаға есе жіберіп, екінші орынды місе тұтты.

Егоровтың бұл жетістігін екі жылдан кейін болашақ Олимпиада чемпионы Ольга Шишигина қайталады. Ол Швецияның Гетеборг қаласындағы чемпионатта көзге түсті. Алтын жүлде сол кездегі АҚШ-тың атақты атлеті Йоланда Гейл Диверске бұйырды. Шишигинаның Швециядағы уақыт көрсеткіші – 12,80 секунд.

Әлем чемпионатында келесі жүлдемізді 6 жыл күтуге тура келді. Себебі 1997 жылғы біріншілікке дисквалификациясына байланысты Ольга қатыса алған жоқ. Сидней Олимпиадасындағы жеңісінен кейін Шишигина 2001 жылы Канаданың Эдмонтон қаласында қола жүлдеге қол жеткізді.

Егоров пен Шишигина карьерасын аяқтаған соң, құраманың келесі көшбасшысы онсайысшы Дмитрий Карпов болды. Ол Афины Олимпиадасының алдында 2003 жылы Парижде және 2007 жылы Жапонияның Осака қаласында қола жүлдеге ие болды.

Соңғы медальды 2011 жылы Ольга Рыпакова еншіледі. Болашақ Олимпиада чемпионы Тэгуде үш қарғып секіруден екінші орынға тұрақтады. Рыпакова сол кезде украиналық Ольга Саладухадан қалып қойды. Бірақ Лондондағы Олимпиада ойындарында есесін қайтарды.

Әзірге әлем чемпионатында алтын медаль жоқ. Алдағы уақытта осы олқылықтың орны толады деп үміттенеміз. Биыл Лондонда өтетін біріншілікке Қазақстаннан Георгий Шейко, Полина Репина, Регина Рыкова,  Диана Айдосова (бәрі де – спорттық жүріс),  Ирина Смольникова мен Елена Наназиашвили (екеуі де – марафон),Ольга Рыпакова Мария Овчинникова (екеуі де – үш қарғып секіру) және спринтер Виктория Зябкина барады.

Бұлардан бөлек, Лондондағы әлем чемпионатына қатысу мүмкіндігі 4х100 метрге эстафеталық жүгіруден әйелдер құрамасында сақтаулы.

Әлем чемпионатында 16 құрама қатысады. Қазіргі кезде біздің құрама рейтингте 16-орында тұр. Егер ешқандай өзгеріс болмаса, Ольга Ольга Сафронова, Рима Кашафутдинова, Светлана Голендова, Юлия Рахманова, Анастасия Тулапина дүниежүзілік жарысқа жол тартады.
  Пікір: 0
  0